PND，一個平時最憎薑同豬潤嘅人，竟然食到呢度嘅薑潤。呢度將兩樣野放埋一齊，產生咗一種負負得正嘅化學作用：勁好味。
如果潮友去開大圍尋找喵星人，咁啱撞正係星期三至日，可以食埋品記，感受吓溏心蛋同薑潤麵嘅威力！
小店有十幾個位，蒜蓉煎麵包、懷舊狗仔粉、蕃茄湯底都係推介美食，當然，PND就最鍾情以下呢幾樣野食喇。
凍食嘅手拍青瓜$17，酸酸地，魚露同白醋味麵好香，加埋蒜蓉撈勻再醃，夏天食可以消暑！
溏心鴨蛋$11，溏心蛋仲有少少流心，一隻一開二，醬油醃入味，醬汁入口有少少酒香，加埋麻油味，非常惹味！
老薑湯鮮豬潤一丁單拼$29雙拼$32 豬潤有6-7塊，煮得厚實，以PND呢啲連蒸魚都驚腥嘅人嚟講，豬潤嘅腥竟然麵可以接受～豬潤可以補血，有少少騷香，少少鞋口，味道好濃郁；湯底望落有渣，應該係豬肉嘅精華都煲哂出嚟，望落無維記咁誇張，淨飲係微辣，但非常濃郁鮮甜，辟哂啲騷味，一啖湯底有齊咸甘甜辣4種層次，配彈牙一丁麵食十萬個正！
品記麵食
星期三至日 11:00-18:00
｛ 星期一、二休息 ｝
#PND大圍 #PND港式 #PND小食
@大圍大圍村第十街6號地下(大圍A出口，古朴對面）
Search